هي جنگي حڪمت عمليءَ جو هڪ اصطلاح آهي، جنهن جون ٻه معنائون آهن. ”صلاحيت“ جي حوالي سان اها هڪ اهڙي سگهه آهي، جنهن ذريعي مُخالف مُلڪ کي فيصلائتي نموني نقصان پهچائي کيس گوڏا کوڙڻ تي مجبور ڪيو وڃي. هوائي فوجن ۽ ائٽمي هٿيارن جي ايجاد کان اڳ اهڙي صلاحيت فقط زميني حملن جي ذريعي ممڪن هُئي، پر هاڻي ڪو مُلڪ پنهنجن سرحدن اندران ائٽمي حملا ڪري مُخالف کي گهر ويٺي نيست نابود ڪري سگهي ٿو. ان کانسواءِ هي اصطلاح هڪ ”پاليسي“ طور به استعمال ٿيندو آهي، جنهن مطابق ڪنهن به جوابي حملي طور دُشمن جي مخصوص شهر کي يقيني تباهيءَ لاءِ نشانو بڻايو وڃي. هيءَ پاليسي سرد جنگ دوران آمريڪا ۽ سوويت يونين جي وچ ۾ ڇڪتاڻ واري صورتحال جي عڪاسي ڪري ٿي، جنهن موجب ٻنهي ملڪن امڪاني ائٽمي حملي جي صورت ۾ هڪٻئي جي مخصوص ٺڪاڻن کي تباهه ڪرڻ جي حڪمت عملي اختيار ڪئي. آمريڪا جو جنگي وزير رابرٽ مڪنامارا هن پاليسيءَ جو موجد هُئو، پر کانئس پوءِ آمريڪا ان پاليسيءَ کي ترڪ ڪري ، سوويت يونين سان پر امن ڳالهين جي عمل کي ترجيح ڏني